Ford Қытай маркаларының АҚШ нарығына шыққанын қалайды

Ford-тың Еуропадағы бөлімшесі қарт құрлықтағы зауыттарының бірінде Қытай автомобилін құрастыруға рұқсат беруі мүмкін деген ақпарат ақпанның басында тарады. Ford-тың Қытай компанияларымен ынтымақтастығы мұнымен шектелмейтін сияқты.

Bloomberg хабарлағандай, Ford-тың бас директоры Джим Фарли президент әкімшілігінің өкілдерімен Қытай өндірушілерін АҚШ-қа жіберу мүмкіндігін талқылады. Олар Қытайдың Батыс компанияларына қатысты қолданған схемасын енгізбекші. Яғни, нарыққа шығу үшін Қытай бренді елде жергілікті маркамен бірлескен кәсіпорын құруға тиіс, оның негізгі бөлігіне америкалықтар иелік етеді. Серіктестер арасындағы пайда мен технологияны бөлісу талабы белгіленеді.

Солтүстік Америкада Қытай автоөнеркәсібіне тек АҚШ емес, Канада да жеңілдік беруі мүмкін. Биыл қаңтарда Канада премьер-министрі Марк Карни Қытайдан кірген автомобильге салынатын 100 % бажды 6.1 % азайту жоспарын жариялаған, бірақ импортталатын машина саны жылына 49 мыңнан аспауы қажет. Ол мұны Қытай брендтерінің локализация деңгейін жақсартып, өзара серіктестікті дамытатын қадам деп атады.