Reuters хабарлағандай, Nissan дара кабиналы Titan сынды танымал емес үлгілерден бас тартпақ ниетте, сонымен қатар шағын нарықтардан кетуді де жоспарлап отыр. Шығынды азайтудың тағы бір шарасы — сатылымы күткендей нәтиже бермеген жеті жыл бұрын жарыққа шыққан Datsun маркасын жабу.
Анағұрлым толық ақпарат кейінірек, Nissan құрылымын өзгерту басшылық тарапынан бекітілген соң жарияланады. Осы орайда Datsun машиналарының Қазақстандағы сатылымы 2017 жылдың қаңтарында (қысқа мерзімде бағасы 1.95 млн теңгеден басталатын 175-тен аса mi-DO хэтчбегі мен on-DO седаны сатылды) тоқтатылғанын айта кеткен жөн, ал көрші Ресейде ваз платформасындағы «датсундар» әлі де шығарылып, сатылып жатыр. Алайда бағасы қолжетімді болса да, сатылым нәтижесі көңіл көншітпейді.
Комментариев: 0