Chevrolet Cobalt-тің дискісі жаңарды: модель тағы рестайлингтен өте ме?

2025 жылдың аяғында Өзбекстанда интерьері мен қозғалтқышы жаңарған Cobalt саудаға шыққан. Автомобиль Chevrolet Tracker кроссоверіндегі аспаптар панелімен жабдықталды. Сондай-ақ Android Auto мен Apple CarPlay-мен жұмыс істейтін MyLink мультимедиа жүйесі, алдыңғы креслоны жылыту және круиз-бақылау пайда болды. Салонды әрлеу нұсқалары көбейді: үздік Midnight түрленімінің орындығы экобылғарымен қапталған, панелі қара түсті болады.

Седанның бұл нұсқасы Cobalt MCM деп аталды. Бірақ мұндай машина Қазақстанға әлі келген жоқ. Модель Өзбекстанға ғана арналған сияқты, өйткені UzAuto Motors бұл комплектацияның жергілікті клиенттердің сұранысына сай әзірлепті.

Машинаның салонында ғана емес, капот астында да өзгеріс бар. Қозғалтқыш бұрынғы — B15D2, бірақ цилиндр блогының басында газ тарату фазасын өзгерту жүйесі (DVCP) тұрады. Соған сай мамандар мотор мен автомат қораптың басқару блогын жаңартып, буыны ауысқан ABS жүйесін орнатқан.

Автомобиль саудаға шығып, бірнеше ай өткен соң Өзбекстаннан тағы бір хабар келді. Avtoelon.uz биыл сәуірде бір автотасығыштан дискісі басқа «Кобальт» көзге түсті деп жазды. Мұндай дөңгелекті бренд бұған дейін Бразилия нарығына арналған Chevrolet Cobalt-қа қойған.

Бірақ оңстүтіктегі көршіміз бұл ақпаратты ресми растаған жоқ. UzAuto Motors шанағының алдыңғы және артқы бөлігі өзгерген Cobalt-2-ге қатысты еш ақпарат бермеді.