Сәуірдің басында Chery Қазақстан нарығына жаңа Tiggo 9 кроссоверін шығарған. Енді Қытайдағы Шанхай автосалонында модельдің тағы бір нұсқасын көрсетті. 9L деп аталатын жаңа өнім өзгеше дизайн және басқаша техникалық сипаттамасымен ерекшеленеді.
«Китайские автомобили» хабарлағандай, Chery Tiggo 9L негізгі марка мен суббрендтер топтамасындағы кроссоверлердің бәрінен үлкен. Ұзындығы — 5050 мм, ені — 1960 мм, биіктігі — 1800 мм, дөңгелек базасы — 2950 мм.
9L-дің 7 орынды салонында цифрлы аспаптар панелі, 15.6 дюймдік үлкен тачскрин және алдыңғы жолаушыға арналған шағын экран бар, артқы қатарға арналған 17.3 дюймдік экран төбеде орналасқан. Шатырдағы лидар электронды көмекшілер жүйесінің толық жинағы бар екенін білдіреді.
Кроссовер бейімді аспамен жабдықталған. Машина 2 литрлік турбомотор және үш электромотордан (біреуі алдыңғы, екеуі артқы осьте орналасқан) тұратын гибрид күштік құрылыммен жүреді. Модельдің қуаты белгісіз, бірақ Tiggo 9L алғашқы жүздікті 3 секундта еңсереді және жүріс қоры 1500 км болады.
«Китайские автомобили» марканың Ресейдегі ресми өкілінің жауабына сүйеніп, кроссовер ЕЭО нарығына шығуы мүмкін деп жазды.
Комментариев: 0