Бірнеше жылдан кейін Алматыдағы индустриалды аймақ аумағында Қытай көліктерін шығаратын толық циклды автозауыт ашылады. «Астана Моторс» Chery Automobile Company, Great Wall Motor және Changan International Corporation концернімен меморандумға қол қойды.
Кәсіпорын құрылысы келер жылы басталып, 2025 жылы іске қосылады. Зауытта Chery, Changan және Haval көліктері шығады. Онда машина ірі торапты әдіспен емес, дәнекерлеу және шанақ бояуды қамтитын ұсақ торапты циклда жасалады. Astana Group жаңа зауытта жылына 90 мың автомобиль өндіріп, 60 %-ын ТМД елдеріне экспорттауды жоспарлап отыр.
Astana Group басшысы Нұрлан Смағұловтың айтуынша осындай ірі кәсіпорынның арқасында елде автокомпонент өндірісін де дамытуға болады.
— Біз бірқатар елде Қазақстанда автобөлшек шығаруға ынталы инвесторлармен келіссөз жүргіздік. Бұл дәнекерлеу және шанақ бояу әдісімен жылына 90–100 мың машина шығарғалы отырған бізге экономикалық тұрғыдан тиімді болады, — деді Нұрлан Смағұлов.
Комментариев: 0