Cadillac Escalade-тің автопилотымен жолға қарамауға болады

GM компаниясының фирмалық Super Cruise автопилотымен жабдықталған көліктері 5 миллион мильден астам жол жүріп, апатқа түспеген. Бұл жетістік инженерлерге технологияны келесі деңгейге шығаруға жол ашты деп жазды Carscoops.

Қазір Super Cruise толыққанды автопилот емес. Жүйе көлікті өздігінен трассада жүргізе алады, сонымен қатар тежеу және 137 км/сағ жылдамдықта жолақ ауыстыру сияқты мүмкіндіктерге ие. Дегенмен жүргізуші үнемі жолға қарап отыруы керек, оны салондағы камералар бақылайды. Тек рөлді жіберуге болады.

2028 жылдан бастап бренд Escalade IQ электрокарына Super Cruise-дің мүмкіндіктері артқан қуатты есептеу платформасын орнатады. Онымен жүргізуші жолға қарамай, басқа іспен айналыса алады. Бірақ бұл АҚШ-тағы барлық жолда емес, тек автономды режимді қосуға болатын трассаларда жүзеге асады. Осы мақсатта мамандар қазірдің өзінде арнайы карта жасап жатыр.

Болашақта GM концернінің көптеген моделі Google Gemini-ға негізделген жасанды интеллектімен жабдықталады. Нейрожелі адаммен сөйлескендей әсер береді. Процесс 2026 жылы басталады, яғни жүргізуші енді жолда зеріге қоймайды.