BYD концерні арзан электрокар жасап, өз отанында саудалай бастады. Қарапайым машинаның бағасы 103 800 юань мен 115 800 юань (7.35-8.2 млн теңге) аралығында, бірақ бренд маусымның аяғына дейін 5000 мың юань (шамамен 350 мың теңге) жеңілдік жасайды.
Электрокардың габариті — 4780×1900×1515 мм, дөңгелек базасы — 2820 мм. Ықшам көрінгенмен кәдімгідей сыйымды. Жүксалғышының көлемі — 528 литр. Жаңа модель марканың стандарт өнімдеріне ұқсайды, десе де дәстүрлі айна, есік тұтқасы және 16 дюймдік дөңгелек сияқты қарапайым бөлшектерімен ерекшеленеді.
Седан 136 ат күші мен 180 Нм момент беретін бір ғана мотормен жүреді, дегенмен екі аккумулятор қарастырылған. 48 және 57.6 кВт⋅сағ
Модельдің салонында 5 дюймдік шағын аспаптар панелі мен 15.6 дюймдік ірі дисплей тұр. Медиажүйеден бөлек, жабдықтар тізіміне кондиционер, батареяға арналған жылу сорғысы және панорамалы шатыр кіреді. Инженерлер сымсыз қуаттағыш орнына гаджет қоятын орын жасапты.
BYD
Комментариев: 0