ҚР ҚМ МКК-нің Алматыдағы Кірістер департаменті берген мәлімет бойынша тұрғын Chevrolet Tahoe үшін мемлекетке 1.1 млн теңге қарыз болған. 2020 жылы ол моторының көлемі 6162 куб. см машинаға 538 334 теңге салық төлеуге тиіс еді. Қарызды өндіруге сот орындаушылар тартылды, олар полициямен бірігіп рейд жүргізу барысында «Сергек» камераларының көмегімен машинаны тауып, тәркілеп, айыптұраққа жіберген. Бір күн өтісімен азамат қарызын төледі. Көлік иесіне қайтарылды.
Департамент өкілдері қазір Алматыда 58 мың көліктің салығы төленбегенін атап өтті. Жалпы қарыз сомасы — 4.2 млрд теңге және күнделікті өсімпұл қосылатындықтан, қарыз сомасы күн санап өсіп барады. «Ұмытшақ» тұрғындарға тиесілі көліктер бойынша тиісті құжат рәсімделіп, күштеп өндіретін органдарға жолданды. МКК мамандары борышкерлерге қатаң шара қолданады.
Көлік салығын біздің калькуляторды пайдаланып есептеуге болады.
Біраз уақыт бұрын төленбеген салық мөлшері 30 млрд теңгеден асатыны хабарлаған. Оның ішінде 6.1 млрд теңге алматылықтардың мойнында болды. Қазіргі есепке сүйенсек, үштен бірі биыл қарызынан құтылған сияқты.
Комментариев: 0