BMW жаңа iX3-ті сервиске шақырып жатыр

BMW жолда жүргеніне көп болмаған батареялы моделімен байланысты екі сервистік кампания жариялады. Ол жалпы 5 мыңға жуық электрокарды қамтиды. Көлік аз болғанмен, мәселе күрделі.

Алғашқы кампания 145 электромобильге қатысты, олардың 28-і Германияға арналған. Бұлардың бортындағы қуаттау құрылғысынан ақау шықты. Машинаны желіге қосқанда электрлі шу пайда болып, шанағындағы кейбір панельге қол тигізсе, ток соғады екен. Сервистік орталықтағы мамандар дұрыс істеп тұрған модульді де ауыстырып береді.

Екінші шараға 4843 авто қатысады. Зауыт бұл кроссоверлердің бүйірлік жастығын дұрыс орнатпапты. Салдарынан эйрбэг өздігінен іске қосылуы ықтимал.

Сервиске баратын модельдердің бәрі 2025 жылғы 25 қараша мен 2026 жылғы 8 мамыр аралығында шыққан.

BMW брендінің Қазақстандағы ресми өкілдері алдын ала тапсырыс бойынша саудаланған iX3 кроссоверлері сервистік кампанияға қатыспайтынын хабарлады.

BMW AG мен елдегі BMW дистрибуциясы жағдай бақылауда деді. Клиенттердің алаңдауына негіз жоқ. Барлық автомобильді иелері штаттық режимде алады.