BMW электрлі iX4-ті ресми таныстырды

BMW жаңа Neue Klasse топтамасының кезекті моделін көрсетті. Ол — iX3-пен бір платформа мен агрегатты бөлісетін электрлі iX4. Кросс-купенің сырт пішіні көпшілікке құпия емес, өйткені тұсаукесерге бірнеше күн қалғанда суреттері желіге тарап кеткен.

1 / 6

Электрический BMW iX4 представлен официально

BMW iX4 50 xDrive

1 / 6

Дөңгелек базасы — 2.89 метр, ұзындығы 4.78 метр iX4-тің әлемдік нарыққа алдымен екі нұсқасы шығады. Базалық көлік — 374 ат күшіне ие (520 Нм) қос моторлы күштік құрылымы бар 40 xDrive. Ол 82.6 киловаттық батареямен жабдықталған, жүріс қоры 638 шақырымға жетеді. Мұндай iX4 алғашқы жүздікті 5.6 секундта еңсереді, ең жоғары жылдамдығы — 200 км/сағ.

Модельдің 50 xDrive индексті қуатты нұсқасы да екі қозғалтқышпен жүреді, бірақ олар 469 ат күші мен 645 Нм береді. Кроссовердің батареясы — 108.7 киловатт, жүріс қоры — 828 км. Кезінде iX3 дәл осындай күштік құрылыммен дебют жасағанын айта кеткен жөн.

1 / 6

BMW iX4 M60 xDrive

1 / 6

Кейінірек топтама M60 индексті қуатты iX4-пен толығады. Ол 612 ат күшіне ие (875 Нм) мотормен жүреді. Мұндай машина алғашқы жүздікті 3.9 секундта еңсереді, ең жоғары жылдамдығы 240 км/сағ-қа, жүріс қоры 777 шақырымға жетеді. iX4-тің интерьері iX3-пен бірдей.

Алдыңғы әйнекке жақын орналасқан жіңішке экран аспаптар панелінің орнын басады әрі 17.9 дюймдік мультимедиа дисплейімен бірге жұмыс істейді. Опциялар тізіміне электрондық көмекшілер кешені, бейімді M-аспа, әйнек шатыр, үш аймақты климат-бақылау, 13 динамикті Harman Kardon аудиожүйесі және т.б. кіреді.

1 / 5

BMW iX4 50 xDrive

1 / 5

BMW iX4 саудаға 2027 жылы наурызда шығады. АҚШ-та базалық түрленім — 50 xDrive, оның құны 66 200 доллардан (29.6 млн теңге) басталады. Ал Германияда мұндай түрленім 75 900 еуро (38 млн теңге) тұрады. Бірақ Еуропада сәл арзандау 40 xDrive сатылады, оны 70 900 еуроға (35.5 млн теңге) алуға болады.

Модель Қазақстанға келуі мүмкін. Бірақ ол қазір елде сатылып жатқан iX3 50 xDrive-тан (49.2 млн теңге) қымбат болатыны анық. Мысалы, Германияда екі модельдің ұқсас нұсқалары арасындағы баға айырмашылығы 5000 еуро.

Комментариев: 0