BMW iX4-тің дизайны тұсаукесерге дейін жария болды ма?

BMW iX3-тің iX4 индексті купе тәрізді түрленімінің камуфляжбен қапталған прототипі Еуропа жолдарында бірнеше рет көзге түскен. Автоөндіруші жаңа өнімді биыл жыл аяғына дейін саудаға шығаруды жоспарлап отыр. Бірақ компания модельдің тизерін әлі көрсетпеді, ресми тұсаукесері өтетін күнді де жариялаған жоқ.

Дегенмен таныстыру шарасы жақында өтуі мүмкін. Жаңа модельдердің премьерасына бірнеше күн қалғанда фотоларын жариялап жіберетін CocheSpias ресурсы бавариялық электрлі кросс-купенің де алғашқы суретін жұртқа көрсетті. Одан iX4-тің дизайнындағы ерекшелікті байқауға болады.

1 / 4

• 
• 
• 
• 

1 / 4

Жүксалғыш қақпағындағы тақтайшадан iX4-тің алдымен iX3 сияқты қос моторлы (469 ат күші мен 645 Нм береді) 50 xDrive нұсқасы шығатынын көруге болады. Мұндай күштік құрылым 108.7 кВт⋅сағ батареядан қуат алады. Көліктің жүріс қоры сынақ цикліне (EPA немесе WLTP) байланысты 644–805 км шамасында.

BMW Blog дерегіне сүйенсек, 50 xDrive-пен бірге модельдің 374 ат күшіне ие 40 xDrive түрленімі жарық көреді. Ал болашақта төрт электромоторы бар M шығады.

Салонда алдыңғы әйнекке жақын орналасқан жіңішке экран тұр. Ол аспаптар панелінің орнын басады әрі 17.9 дюймдік мультимедиа дисплейімен бірге жұмыс істейді.