Ресей мен Украина арасындағы соғыс Қазақстанда Lada өндірісін тұралатты. Тольяттидегі зауыт жаз басталғалы машина шығарып жатқанмен, негізгі қауіпсіздік жүйелері жоқ әрі экологиялық класы төмен техниканы біздің елге жеткізу мүмкін болмады.
Автоөндіруші жетпей жатқан электроника мен бөлшек мәселесін көп ұзамай шешетін сияқты, өйткені зауыт 2023 жылы көлік экспортын қайта бастайтынын мәлімдеді.
РИА «Новости таратқан мәлімет бойынша кәсіпорын басшысы Максим Соколов «Российский промышленник» форумында шетелге 20 мың автомобиль жіберу жоспарда барын айтқан.
Топ-менеджер АВТОВАЗ Қостанайдағы «СарыарқаАвтоПром» зауытында Lada құрастыруға дайын екенін да айта кетті.
— Шешен Республикасындағы зауыттың іске қосылуы АВТОВАЗ биыл атқарған көп істің бірі, қазір Қазақстандағы зауытты қайта іске қосуға дайынбыз, — деді Соколов.
Комментариев: 0