Avatr 06 седаны брендтің ең арзан моделі атанды

Changan мен Huawei батарея өндіретін CATL концернінің қолдауымен құрған Avatr маркасы 06 моделіне алдын ала тапсырыс қабылдап жатыр. Седан электрлі және тізбек-гибрид құрылыммен сатылады. Бес комплектациямен саудаға шығатын көліктің бағасы 215 900 юаньннан (14.8 млн теңге) басталады.

Өлшемдері 4885×1960×1450 мм Avatr 06-ның дөңгелек базасы — 2940 мм. Жүксалғышының көлемі 416-дан 1266 литрге дейін жетеді, алдыңғы капот астында тағы 70 литр орын бар. Жаңа өнімнің сырт пішіні фирма стилінде жасалған.

1 / 7

• 
• 
• 
• 
• 
• 
• 

1 / 7

Салонында алдыңғы панель мен алдыңғы әйнек түйіскен тұста орналасқан жіңішке, бірақ тым ұзын дисплей бірден көзге түседі, оның диагоналі — 15.6 дюйм. Қапталында айна орнына камера тұрған нұсқаларда қосымша бүйірлік экран болады.

Электрлі Avatr 06-ның артқы және толық жетекті түрлері бар. Біріншісі — 343 ат күшін, екіншісі 598 ат күшін беретін мотормен жабдықталады. Электрокар 82 кВт⋅сағ литий-темір-фосфатты батареямен 600-650 км еңсереді. Бренд 1.5 литрлік іштен жанатын қозғалтқышы (156 а.к.) генератор рөлін атқаратын гибрид түрленімге 314 ат күшін беретін агрегат орнатқан. Екі түрлі: 31.7 не 45 кВт⋅сағ батарея қолданылғандықтан, жүріс қоры 170 не 240 шақырымға жетеді.

Автомобильдің нақты бағасы аталмады, бірақ жақында жария болатыны анық. Жоғарыда аталған сомаға Avatr 06-ның гибрид жетекті ең арзан модификациясын аласыз.