Aurus-тың коммерциялық директоры Артём Юсупов «Российская газетаға», берген сұхбатында комапния «жақын арада» Aurus Arsenal минивэніне тапсырыс қабылдай бастайтынын хабарлады.
Әу баста арнайы тапсырыс берушіге (яғни Кремльдегі басшылар) арналған автомобильдің интерьерін мобильді кеңсе форматына өзгерту үшін компания НАМИ институтымен бірлесіп бірнеше жыл жұмыс істеген. Мамандар Aurus брендінің стилін, атағын және ерекшелігін сақтауға тырысты.
Топ-менеджер алғашқы кезеңде Arsenal-дың коммерциялық нұсқасын тікелей НАМИ өндіретінін айтты. Бұл машинаның аз-аздан шығатынын аңғартады.
6–8 адамға арналған, қуаты 600 ат күшіне жететін минивэн Senat седаны мен Komendant кроссоверінен қымбат болады. Демек оған санаулы ғана клиент қызығуы мүмкін. Солардың бірі — мультимиллионер хоккейші Александр Овечкин. Ол әлі ресми саудаға шықпаған «Арсеналды» сатып алды.
Комментариев: 0