Бүгінде елордаға күніне 82 000 автомобиль алты желі арқылы қатынайды. Олар: Астана — Қарағанды, Астана — Қостанай, Астана — Павлодар, Астана — Қосшы, Астана — Қорғалжын және Астана — Көкшетау. Негізгі жүктеме таңғы қарбалас мезгілге түседі екен, 07:00-ден 10:00-ге дейінгі аралықтағы көлік саны — 13 500 (шамамен 17 %).
«Жүргізілген зерттеу мен кешенді талдау жұмыстары таңғы 7 мен 9 аралығында көліктің санатына байланысты ақылы кіру жүйесін енгізу көлік құралдарының қозғалу легінің орташа жылдамдығын 15-20 пайызға арттыруға мүмкіндік беретінін көрсетті», — деп қалалық мәслихаттың кезекті сессиясында Астана әкімінің бірінші орынбасары Сергей Хорошун мәлімдеді.
Оның айтуынша, ақылы кіруді тек таңғы қарбалас уақытында ұйымдастыру жоспарлануда. Одан басқа мезгілде кез келген көліктің Астанаға кіруі тегін болады. Десе де, бұл жаңа ереженің қашан іске қосылатынын шенді нақтылаған жоқ.
Естеріңізге сала кетейік, қазіргі таңда қалаға ақылы түрде кіруді ұйымдастыру жайлы Алматы билігі де ойлануда.
Комментариев: 0