АҚШ-та көп жүрмеген дизельді E 300 (W124) сатылады

Bring a Trailer аукцион порталы W124 индексті Mercedes-Benz E 300 Diesel көлігін сатуға қойды. 1995 жылғы автомобиль жаңа кезінде Буффалода (Нью-Йорк штаты) сатылған, биыл қаңтарда қазіргі иесінің қолына түскенге дейін көп жыл бойы коллекционерлердің гаражында тұрыпты. 28 жастағы седан небәрі 9763 миль (15.7 мың км) жол жүрген.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Машинаның сырты да, іші де тамаша жағдайда. Салоны MB-Tex матасымен қапталған, ондағы түпнұсқа емес жалғыз деталь — CD-чейнджері бар Alpine магнитоласы, оны алғашқы иесі орнатыпты. Көліктің жабдықтар тізімінде электрлі реттелетін жүргізуші орындығы, климат-бақылау, круиз-бақылау және люк бар.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

E 300 D алты цилиндрлі дизельді OM606 моторымен жүреді, мұндай мотор америкалық E-Class-қа 1995 жылы ғана орнатылған. Агрегат 136 ат күшіне ие. Ол 210 Нм моментті 4 сатылы автомат арқылы артқы дөңгелектерге береді.

Алғашқы иесі седанды 1990 жылдардың ортасында 40 475 долларға сатып алған, ал қазіргі бағасы 40 725 долларға жетті, оның үстіне аукционның аяқталуына әлі бірнеше күн бар.