АҚШ-та «су жаңа» Chevrolet Impala SS аукционға қатысады

1994–1996 жылдары шыққан Chevrolet Impala SS-тің жетінші буыны — төрт есікті Caprice-тің жақсарған нұсқасы. Автомобиль Corvette-тің 260 ат күшін (447 Нм) беретін 5.7 литрлік LT1 V8 қозғалтқышымен жүреді. Рамалы шассиге негізделген, салмағы 2 тонна болатын 5.4 метрлік седан алғашқы жүздікті 7.2 секундта еңсереді.

Мамандар Impala SS-ке мықты амортизатор мен серіппесі бар спорттық аспа, өнімділігі жоғары салқындату жүйесі, дискілі тежеуіш және қосарлы газ шығару жүйесін орнатты.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Impala SS-тің соңғы экземплярын 1996 жылдың желтоқсанында Техас штатының Арлингтон қаласындағы зауыт құрастырды және содан бері Америка көліктерін жақсы көретіндердің арасында коллекциялық дүниеге айналды. Mecum аукционында небәрі 78 миль (126 км) жүрген және өте жақсы сақталған қара Impala SS бәссаудаға түседі.

Иесі Калифорниядағы дилерден алғаннан бері седанды құрғақ гаражда, бірқалыпты температурада сақтапты. Машинаның жағдайы зауыттан шыққандай, құжаты түгел, салоны пленкамен қапталған. Иесі түпнұсқа шиналарды жаңа Riken Raptor ZR A/S SL шинасымен бірге береді. Шынымен уақыт капсуласы десе болады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Аукцион келер жылы 10 қаңтарда өтеді. Сол кезде автомобиль қаншалықты қымбат екенін біле аламыз. 1990 жылдары жаңа Impala SS 26 192 доллар тұрған, инфляцияны ескерсек қазір 55 мың долларға тең.

Алматыда мұндай Impala SS жоқ, дегенмен Caprice әкелгендер бар.