АҚШ-та аса жылдам Audi S4 сатылады

Америкадағы танымал онлайн-алаңдардың бірі клиенттеріне 1993 жылғы бірегей Audi S4-ті ұсынды. Машина құдды бір желден жүйрік болидтей көрінеді, бұл бекер емес. 2012 жылы осы Audi планетадағы ең шапшаң (402 км/сағ) седан атанған. Шашасына шаң жұқпайтын темір тұлпардың максимал жылдамдығы тіпті 420 шақырымнан асады.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Автомобиль мұндай көрсеткішке 230 ат күшіне ие 2.2 литрлік турбомотормен жетпегені анық. Тюнерлердің арқасында агрегаттың көлемі 2.4 литрге дейін артып, соғылған бұлғақ-поршень тобын, құрғақ картермен майлау жүйесін, Borg Warner S400SX компрессоры бар жақсарған ЦББ және 1700 текше см-ге шақталған инжекторлар алды. Жалпы 1155 ат күшін беретін күштік құрылым жаңа 6 сатылы механика қораппен жұмыс істейді.

Седанның шанағы да түрленген. Сырттай қараған кісі артқы көрініс айнасы жоқ екенін бірден байқап, композит әйнегі мен артындағы тежеуіш парашютін көреді. Мамандар көлікке шығыңқы резервуар мен койловер орнатқан, салондағы қаптағыш материалдардың көбін алып тастап, қауіпсіздік каркасын, жарыс креслосын қойған.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Болидтің жағдайына қатысты ақпарат аз. Тек ұсақ сызаттары мен жарылған жерлері бар деп жазылған. Турбокомпрессорлы мотор биыл тексерістен өтіпті. Материал жарияланған сәтте S4-тің бағасы 26.8 мың долларға жуықтап қалды.