Сәуірде АҚШ Конгресінде шенділер көлік туралы заң жобасын қарайды. Ол 30 қыркүйекте мерзімі аяқталатын қазіргі заңның орнын басады.
Республикашылар электромобильге көлік салығын енгізуді ұсынып отыр. Өйткені қазір ол жанармай бағасына кіреді, сондықтан бұл электрокар иелерін қамтымайды.
Жол жөндеуге және күтіп-ұстауға кететін шығынның көп бөлігін бензин мен дизельге салынатын салық жабады, сондықтан билік электрлі көлік иелерінен де ақша алмақшы. Электромобиль көбейген сайын бюджетке түсетін қаражат азаяды, ал жолға түсетін жүктеме керісінше көбейіп жатыр.
Шенеуніктер жанармай салығын өсіруді қарастырып жатқан жоқ.
АҚШ-та оның мөлшері 30 жылдан астам уақыт бойы өзгермеген.
Кейбір штат электромобильге салық енгізді. Енді батареялы көліктерге бірыңғай жылдық төлем енгізу мәселесі федералдық деңгейге шықты. Конгресс мүшелері 250 долларға дейін белгілеуге дайын. Reuters хабарлағандай, сенаторлар 1000 доллар болуын талап етіп отыр.
Комментариев: 0