АҚШ билігі қазіргі жолды күтіп ұстауға арналған жанармай салығынан бас тартып, оның орнына жыл сайын сұралатын жаңа төлем түрін енгізуді ұсынды. Ол автомобильдің салмағына байланысты есептеледі және оны көлігі бар тұрғындардың бәрі төлейді.
Бұл идеяны қазынаны толтырудың жаңа жолын іздеген шенеуніктер емес, Автомобиль инновациясы альянсы (AAI) ұсынды. Оған елде зауыттары бар General Motors, Toyota, Volkswagen және Hyundai сияқты ірі автоөндірушілердің көбі кіреді.
Ұйым жаңа схема жол жөндеуге қажет қаражаттың көбеюіне ғана емес, бұл ауыртпалықты жүргізушілер арасында әділ үлестіруге жол ашады деп атап өтті. Сол кезде салықты іштен жанатын қозғалтқышы бар машина мінгендер ғана емес, бәрі төлейді. Ауыр және жолға көбірек зиян келтіретін техника тізгіндейтіндер үшін мөлшерлеме жоғары болады.
AAI көлікке қатысты заңнаманы қайта қарауды ұсынып отырған жалғыз ұйым емес. Конгресте шенділер тек электромобильге көлік салығын енгізгісі келеді. Бұған себеп — 1993 жылдан бері өзгермеген жанармай салығы, яғни билік бір галлон бензинге 18.4 цент, дизельге 24.4 цент алады.
Комментариев: 0