Sergek Group Kolesa.kz редакциясына Алматыға ағылатын көлік легі туралы мәлімет берді. Әр аймақтан мегаполиске күн сайын кірген автомобиль саны:
- 2023 жылы — 122 801;
- 2024 жылы — 151 161;
- 2025 жылы — 164 222 (тоғыз айда).
Мамандар алып шаһарға кіретін тоғыз негізгі кіреберістегі қозғалыс қарқынын есепке алған. Оңтүстік астанаға шағын көшелер арқылы өтетін техника статистикаға енбеді.
Бұған дейін компания Алматыда машина саны 170 мыңнан аспаса, қозғалыс жайлы болатынын, 205 мыңнан асқан кезде жағдай қиындайтынын анықтаған. Алайда қазір мұнда күніне 600 мыңнан астам темір тұлпар жүреді.
Жақында шенділер жолдағы жағдайды жақсарту мақсатында ақылы тұрақ санын арттыруға ниетті екенін айтты. Енді жүргізушілер тұрғын үй аумағында да тұрақ үшін ақша төлейді. Жол жиегіндегі ақылы тұрақ белгісі бұған дейін кептеліс болмайтын көшелерде пайда бола бастады.
Комментариев: 0