Алматының кептелісі көпшілікке жақсы таныс. Жұмыс күндері ғана емес, демалыста да кей жол бөлігінен өту қиынға соғады. Бір бағыт бойынша үнемі жүретін жүргізушілер мұндай проблеманы жақсы біледі. Бүгін сондай жол бөліктері туралы жазамыз.
Sergek Group интеллектуалды транспорт жүйесі арқылы Алматы көшелеріндегі жағдайды саралап, мәселесі көп қиылыстарды анықтады. Талдауды мына деректерге сүйеніп жасаған:
- қиылыстағы автомобиль кезегінің ұзындығы;
- қозғалыс қарқыны, атап айтқанда сол сәттегі жүктеме мен максимал өткізу қабілетінің қатынасы;
- кептеліс бар және жоқ кездегі жол бөлігін жүріп өтуге кететін уақыт айырмасы;
- көлік легінің қиылыстағы орташа жылдамдығы;
- жол бөлігінде кептеліс жиі бола ма;
- бір күндегі кептелістің ұзақтығы.
Сарапшылар машинамен өту қиын 15 қиылысты анықтады. Олар:
- Абай даңғылы — Розыбакиев көшесі;
- Абай даңғылы — Назарбаев даңғылы;
- Төле би көшесі — Розыбакиев көшесі;
- Абай даңғылы — Сейфуллин даңғылы;
- Абай даңғылы — Байтұрсынов көшесі;
- Сейфуллин даңғылы — Сәтбаев көшесі;
- Төле би көшесі — Назарбаев даңғылы;
- Райымбек даңғылы — Сейфуллин даңғылы;
- Абай даңғылы — Желтоқсан көшесі;
- Сәтбаев көшесі — Әуезов көшесі;
- Сәтбаев көшесі — Розыбакиев көшесі;
- Райымбек даңғылы — Назарбаев даңғылы;
- Төле би көшесі — Әуезов көшесі;
- Абай даңғылы — Брусиловский көшесі;
- Абай даңғылы — Әуезов көшесі.
Тізімнен Абай даңғылы бойындағы қиылыстарда көлік ұзақ бөгелетінін байқауға болады. Қарбалас уақытта кей жол бөлігінде жағдай қиындап, жүргізушілер тіпті автобус жолағымен жүреді.
Комментариев: 0