Оңтүстік астанада қатаң режим орнап, қозғалыс шектелгеніне екі апта болды. Қазіргі уақытта тек қала тіршілігін қамтамасыз ететін компания қызметкерлерінің ғана еркін қозғалуына рұқсат берілген.
Алғашқы жол-көлік оқиғасына алты машина қатысқан. Куәгерлердің айтуынша, Райымбек даңғылымен шығысқа бағыт алған Toyota Camry Lada Priora-ны соққан. Ол өз кезегінде Lada Largus көлігіне соғылса, фургон Honda CRV мен тағы бір Largus-ты іле кетеді. Соққыдан екінші Largus Nissan Cefiro-ны қақты. Апат салдарынан зардап шеккен"Приора" жүргізушісі ауруханаға жеткізілді. Енді жүргізушілер стандартты істі қарауға қатысудан бөлек, полицейлерге жолға не үшін шыққандарын да түсіндіруге тиіс.
Екінші жол апаты 10 сәуірге қараған түні Алатау технопаркінің аумағында болды. Daewoo Nexia-ны тізгіндеген азамат тайғақ жолда рөлге ие бола алмай қалып, седан бар жылдамдығымен көшені жарықтандыратын бағанаға соғылған. Рөлде отырған 1983 жылғы ер адам оқиға орнында көз жұмды.
Комментариев: 0