Hyundaiplant

Алматыда Hyundai зауытының құрылысы басталды

Кеше Алматының солтүстік-батысындағы индустриалды аймақта Hyundai маркалы жеңіл көліктерді шығаратын зауыттың алғашқы кірпіші қаланды.

Толық циклды (дәнекерлеу және бояу) зауыттың алғашқы кірпішін қалау салтанатты түрде жоғары лауазымды тұлғалардың қатысуымен өтті. Дәл осы шараға қатысу үшін Оңтүстік Кореяның Сауда, өндіріс және энергетика министрі Сон Юн Мо мырза мен Нyundai Мotor Сompany компаниясының стратегия бойынша президенті Конг Ян Вун Алматыға арнайы ұшып келді.

Кәсіпорынның өндірістік қуаты бастапқы кезеңде жылына 30 мың автокөлікті шығаруға жетсе, екінші кезеңде бұл көрсеткіш 45 мыңға ұлғайтылады. Жобаға құйылатын инвестицияның жалпы көлемі 25 миллиард теңгені құрайды екен. Жобаға меншікті қаражаттан бөлек коммерциялық мақсатта алынған қарыз сомасы да тартылады. Зауыттың ашылуы 700-ге дейінгі жаңа жұмыс орындарын ашуға мүмкіндік береді.

Біз бұрында жазғандай, 2020 жылы мұнда Hyundai маркасының Қазақстанда таныстырылған барлық үлгілері ірі торапты әдіспен құрастырылатын болады. Сонымен қатар, Hyundai топтамасындағы жеңіл көліктердің бірі мен Creta кроссоверін толық цикл бойынша өндіру жоспарланып отыр. Шығарылған өнімнің жартысы Орта Азия елдеріне сатылатын болады.

Комментариев: 0

Чтобы оставить комментарий, вам необходимо зарегистрироваться или авторизоваться.