Оқиға өткен сенбіде сағат 20:00 шамасында Гагарин даңғылы мен Мыңбаев көшесінің қиылысында орын алған. Бейнебақылау камерасына жазылып қалған кадрлардан самокаттағы әйел адамның Гагарин көшесінің жүргін бөлігімен төмен қарай жоғарғы жылдамдықта зырғып келе жатқанын аңғаруға болады. Оның үстіне, оның көлік құралынан ешқандай жарық беруші құралдар байқалмайды. Мыңбаев көшесімен қиылысқан тұста ол тіпті жылдамдығын бәсеңдетпеді де, алайда…
Дәл осы сәтте Мыңбаев көшесімен батыс бағытқа қарай қозғалып келе жатқан Toyota Camry де қиылыстан өтпек болған еді. Біз жоғарыда атап өткендей, кешқұрым шақ болатын бұл. Жеңіл көлік жолына кенеттен кезіккен әйел адамды соқты.
Алдын ала қойылған «мидың шайқалуы» диагнозымен әлгі әйелді жедел жәрдем қызметкерлері алып кетті. Ал көлік жүргізушісіне адам зардап шеккен ЖКО-сына әкеп соққан ЖҚЕ-сін бұзғаны үшін айып тағатын шығар, шамасы.
Айта кететін жәйт, осындай жол апаттары Алматыда сирек құбылыс емес. Қалада электросамокаттар саны күн санап артып келеді, әрі оны тізгіндегендер көбіне барлық ережелерге мән берместен, яғни, құлаққаппен, жүргін бөліктің ортасында не жаяу жүргіншілермен жағаласып тротуармен жүйткиді. Мұндай әрекеттер ең кемі жарақаттармен және бұзылған көңіл-күймен аяқталып жатады…
Комментариев: 0