Алматы облысындағы ең қауіпті жолдар

2021 жылы облыс полицейлері мына жолдарды аса қауіпті деп атады:

• Алматы — Бішкек (52 ЖКО, 13 адам көз жұмды, 87 адам жарақат алды);
• Алматы — Өскемен (46 ЖКО, 19 адам көз жұмды, 88 адам жарақат алды);
• Алматы — Көкпек — Көктал — Қорғас (44 ЖКО, 11 адам көз жұмды, 77 адам жарақат алды);
• Алматы — Талғар — Есік — Маловодное (33 ЖКО, 4 адам көз жұмды, 41 адам жарақат алды);
• Алматы — Нұр-Сұлтан (22 ЖКО, 8 адам көз жұмды, 29 адам жарақат алды).

Жыл басталғалы бері төрт ай ішінде өңірде 677 апат болды, одан 110 адам жан тапсырса, 1076 тұрғын жарақат алған.

Тәртіп сақшыларының айтуынша, бұған көбіне жол сапасының сын көтермеуі себеп болады. Биыл полицейлер 836 тексеріс жүргізіп, кемшілікті жою жөнінде 844 ескерту берді. Жолға қатысты талаптарды ескермеген 109 заңды және жеке тұлға, жол жасайтын ұйым әкімшілік жауапқа тартылды. Оларға салынған айыппұлдың жалпы сомасы — 3 млн 179 мың теңге.