Германия мен Еуропадағы ең ірі автомобиль қауымдастығы, 21 миллионнан аса мүшесі бар ADAC ұйымы кешенді зерттеу жүргізіп, заманауи машиналарды жөндеу қаншалық қымбатқа түсетінін анықтады.
Клуб тағайындаған сарапшы әдетте жиі кездесетін үш сценарий бойынша танымал модельдерді бағалады. Атап айтқанда, жарылған алдыңғы әйнекті ауыстыру, ақырын
Нәтиже көпшілік күткендей болды. Мысалы, бұрын алдыңғы әйнекті ауыстыру небәрі бірнеше жүз еуро тұрса, қазір бұл процедураның құны 1000–2000 еуроға жетті, ал электрондық көмекшілері мен камерасы бар автомобильде (калибрлеу қажет) одан да қымбатқа түседі.
Бампер мен шам ауыстыру құны да осыған ұқсас. ADAC дерегінше арзан модельдерді жөндеу бағасы 3000 еуродан басталса, күрделі жарық техникасы мен түрлі сезгегі бар люкс машина үшін 7800 еуроға дейін төлеуге тура келеді.
Жүргізушілер жөндеу шығыны артқанын сезінген, бұл қатарда ескі әрі арзан машина мінетін азаматтар да бар. Кейінгі үш жылда Германияда сақтандыру полисінің орташа бағасы бір жарым есе өскен: тіпті ұсақ зақымның өзіне көп шығын шығатын болғандықтан, сақтандыру компаниялары келісімшарт талаптарын жиі өзгертеді.
ADAC мамандары тұтынушының қалтасына түсетін салмақты ескере отырып, автоөндірушілерді жаңа машинаға қажетсіз әрі қымбат технологияны орнатпауға шақырады. Ұйым лазерлік шам, камерасы бар сыртқы айна немесе электр жетекті есік тұтқасы сияқты технология күнделікті өмірде пайдасыз, оның үстіне көлікті сатып алу және жөндеу құнын айтарлықтай өсіреді деп есептейді.
ADAC болашақта күрделі компоненттер тұтас бөлшекті емес, оның жеке бөлігін ауыстыруға мүмкіндік беретіндей жобаланғаны дұрыс деп санайды. Мұндай тәсіл автомобильді жөндеуді оңайлатып, кішігірім жол апатынан кейінгі қызмет құнын төмендетеді.
Комментариев: 0