Тачскрин мен ассистентке жүргізушілердің көңілі толмайды

Ұлыбританиядағы Auto Express басылымы 20 жылдан астам уақыт бойы Driver Power атты ауқымды сауалнама жүргізіп келеді. Бұл зерттеу жүргізушілердің жаңа көлігіне қаншалықты риза екенін сұрап, техниканы басқарылуы, жүрісі, беріктігі және басқа сипаттамалары бойынша бағалайды. Сауалнама он түрлі категориядан тұрады.

2026 жылғы зерттеу қорытындысы бойынша нарықтағы ең танымал 50 модельге орташа қанағаттану деңгейі 84.2 % болды. Бұл көрсеткіш жоғары көрінгенімен, былтыр 89.58 % еді.

Барлық категорияда деңгей төмен. Бірақ электрондық қауіпсіздік жүйесі сегментінде көрсеткіш биыл 82.56 %-ға дейін (2024 жылы 90.36 %) құлдыраған. Сауалнамаға қатысушылар жолақта ұстау, жүргізушінің зейінін бақылау сияқты функцияларға шағымданыпты. Олардың 41 %-ы қозғалтқышты қоса сала аса маңызды емес көмекшілердің бәрін өшіреді екен.

Автомобиль иелеріне салонда тачскринің көптігі және мультимедиа кешенінің интерфейсі ұнамайды. Жалпы нәтиже 88.86-дан 83.51 %-ға, графикалық интерфейс бойынша 87.8-ден 81.4 %-ға түскен.

Физикалық батырмалары жоқ интерьер мен белсенді қауіпсіздік жүйесіне қатысты шағымдарға қарамастан, Driver Power 2026 рейтингінде Tesla Model 3 (88.55 %) көш бастап тұр. Электрондық жүйелердің жұмысына 89.7 % адам қанағаттанады.