AC Schnitzer жұмысын жалғастырады

Биыл наурыздың аяғында BMW көліктерін жақсартып танылған AC Schnitzer-дің жағдайы мүшкіл деген ақпарат тарады. Нарықтағы жағдай мен тюнинг үшін сертификат алуды қиындатқан шенеуніктер компанияға кері әсер етті.

AC Schnitzer 2026 жылдың аяғына дейін жұмысын тоқтатады деген болжам болды. Бірақ ресми мәлімдемеге сүйенсек, тюнингпен айналысатын бірнеше компанияға, соның ішінде Urban Automotive-ке иелік ететін AM Group ательені құтқаратын сияқты.

Мәміле қарашада жасалады. AC Schnitzer тарихының жаңа кезеңін Имран Аршад бастайды. Ол Evolve және Eventuri-дің негізін қалаушылардың бірі.

Расталмаған дерекке сәйкес Ахендегі ателье жаңа жобалармен жұмыс істеуге кіріскен. Олардың қатарында BMW iX3 те бар.