2022 жылы көктемде жарық көрген G70 шанақты «жетілік» халықтың көңілінен шықты. Бұрын әлемде жыл сайын оның 45–50 мың данасы өтетін, жаңасының 60 мыңнан астамы иесін тапты.
Сондықтан марка бұл жолы модельдің сырт пішінін аса өзгерткен жоқ: бамперін аздап жаңартып, фирмалық «танауын» сәл кішірейтті, бас оптика блогын ауыстырды. Neue Klasse стилистикасы артқы шамынан ғана байқалады, ол бұрынғыдан жіңішке әрі ұзын көрінеді.
Машинаның күштік құрылымы бірнеше нұсқадан тұрады. 735, 740 және 740d xDrive (бәрі 48 вольтты стартер-генератор және 8 сатылы автоматпен жұмыс істейді) 290–405 ат күшіне ие 3 литрлік турбомотормен жабдықталған. Бензинді көліктер — артқы жетекті, дизельді түрленім толық жетекті.
Қазір жанармай қымбат екенін ескерсек, бензомоторға қосымша 200 ат күшін беретін электромоторы бар гибрид жақсы өтетін сияқты. Ол электр қуатымен 80 шақырым жүре алады. Ең кіші 750e xDrive алғашқы жүздікті 4.8 секундта еңсереді. Үздік M760e xDrive (620 а.к.) 4.2 секундта жүзге дейін жылдамдық алады.
Модельдің толық электрлі нұсқалары да бар: i7 50 xDrive, i7 60 xDrive және i7 M70 xDrive. Олар екі электромотормен жүреді, олардың қуаты 461–689 ат күшіне, жүріс қоры 650–728 км-ге жетеді. Қозғалтқыш қуаты артқан сайын автомобильдің жүріс қоры қысқарады.
Барлық «жетіліктің» ең жоғары жылдамдығы әдеттегідей 250 км/сағ деңгейінде шектелген.
Сырт пішініне қарағанда, салонында өзгеріс көп. Жаңа өнімде рөл маңындағы үйреншікті цифрлы аспаптар панелі болмайды, ондағы ақпарат енді алдыңғы әйнектің төменгі жағындағы жіңішке жолақтан көрінеді. 17.9 дюймдік негізгі мультимедиа планшетінен бөлек, алдыңғы жолаушыға арналған 14.6 дюймдік жеке дисплей тұр. BMW OS X операциялық жүйесі Amazon Alexa+ жасанды интеллектісіне негізделген дыбыстық көмекшімен жұмыс істейді. Салондағы тағы бір жаңа дүние — рөл. Оның жоғарғы төртінші шабағы тік орналасқан.
Бірақ «арнайы автопилот» (BMW Personal Pilot) жүйесі құқықтық сипаттағы проблемаларға байланысты қазіргі
Рестайлингтен өткен соң стандарт комплектациясында былғары салон, төрт аймақты климат-бақылау, панорамалы шатыр және 18 динамикті Bowers & Wilkins аудиожүйесі болады. Бренд опция ретінде 36 динамикті акустика, артқы жолаушыларға арналған Executive Lounge «капитандық креслосы» және төбедегі 31.3 дюймдік BMW Theatre Screen экранын ұсынады.
2027 жылғы модельдік топқа жататын 7-сериялы BMW биыл жазда саудаға шығады, бағасы көп өспейді. Еуропада базалық
Комментариев: 0