BMW басшылары 6.6 литрлік V12-мен жабдықталған M760i xDrive өндірісін тоқтату туралы шешім қабылдады. Cnet мәліметіне сүйенсек, заңнамадағы экологиялық нормаларға сай болу үшін мамандар бұл нұсқадағы екі турбиналы мотордың берілісін 577 ат күшіне дейін түсіріпті, ал алдыңғысының қуаты 600-ден асатын еді.
Алғаш 1987 жылы 750iL моделіне қойылып, кейінгі жылдары тек флагман көліктерге орнатылып келген 12 цилиндрлі бавариялық мотордың дәурені осымен аяқталады.
Маусымда «жетіліктің» шанағы мен қозғалтқыш қақпағында The Final V12 және 1 of 12 жазуы бар соңғы партиясы жарық көреді. Одан бөлек машиналарға бейімді лазерлі шамдар, көмекшілердің толық жинағы, Bowers & Wilkins акустикалық жүйесі орнатылып, салоны Merino былғарысымен қапталады.
Соңғы серия 12 дана тиражбен шығады. Олар АҚШ тұрғындарына 200 мың долларға сатылады. Иесін тапқан әр көліктің бірден коллекция санатына өтіп, өмірінің көп бөлігін гаражда өткізетініне күмән жоқ.
Комментариев: 0