Алматы — Астана трассасының 76-шақырымында орналасқан Sokol кешенінде 11 шілде, сенбі күні Sokol Time Attack сериясының төртінші кезеңі өтеді. Бұл жолы қатысушылар автодромның үлкен шеңберінде емес, шағын картодромда бақ сынайды. Сондай-ақ жарыс жасанды жарық астында кешкі уақытқа өтеді.
Спортшылар әдеттегідей бірнеше класқа бөлінеді: SC2000 категориясына онша өзгермеген автомобильдер кірсе, GT PRO санатына түрленген машиналар, тіпті тайм-аттак үшін арнайы жасалған болидтер қосылады.
Жарыс сенбі күні сағат 19:00-де басталып, түнгі сағат 00:00-ге дейін жалғасады. Билет бағасы — 5000 теңге, бұл билетпен трибунаға және техпаркке кіре аласыз. Билетті сол жерден сатып алуға болады.
Комментариев: 0