Демалыс күндері қандай жарыс өтеді

Осы демалыста Алматы — Астана трассасының 76-шақырымында орналасқан Sokol кешенінде Gorilla Drift турнирінің кезекті кезеңі өтеді. Іс-шараға қазақстандық танымал файтер Шавкат Рахмонов қатысады.

Бұл серия дрифт әлеміне жаңа аяқ басқандарға арналған, мұнда қатысушылар жұп болып өнер көрсетеді. Жарыс барысында дайындық деңгейі төмен автомобиль мен конфигурациясы қарапайым трассалар қолданылады.

Кезең екі күнге созылады. 20 маусымда жаттығу сессиясы өтеді, онда дрифт-таксиге мінуге мүмкіндік бар, сондай-ақ іріктеу жарысы өтеді. Іс-шара сағат 12:00-де басталады.

Негізгі жарыс 21 маусымда өтеді. Шабандоздар бәйгені сағат 10:00-де бастайды. Қатысушылар шеруі мен автограф-сессияны қамтитын ресми ашылу салтанаты сағат 13:00-де өтеді. Іс-шараны Gorilla On Air YouTube-арнасында тікелей эфирде көруге болады.

Сенбі күнге билеттер Sokol кешенінің кассасында ғана сатылады. Бағасы — 2500 теңге. Ал жексенбі күнгі билет бағасы манадай:

• «Стандарт» — 2500 теңге, трибунаға шыға алмайсыз;
• «Трибуна» — 5000 теңге;
• «Техпарк» — 6000 теңгеге қатысушылардың автомобилін жақыннан көруге мүмкіндік бар, бірақ трибунаға кіре алмайсыз.

7 жасқа толмаған балалар тегін кіре алады, бірақ трибунадан жеке орын берілмейді.

Билетті іс-шара өтетін күні кассадан немесе мына сілтеме арқылы сатып алуға болады.

Қазір автодром орналасқан жердегі трассада жөндеу жұмыстары жүріп жатыр және көлік қозғалысы шектелген. Дегенмен спорт кешенінің қонақтарына жол ашық.