Демалыста өтетін жарыстар: драг-рейсинг және картинг

Алдағы демалыста Алматы — Астана тас жолының 76-шақырымындағы Sokol кешенінде Drag Wars жарысының екінші кезеңі өтеді. Спортшылар бірнеше класс бойынша бақ сынайды. Олар машинаның жетек түріне немесе қозғалтқыш қуатына емес, 402 метрді жүріп өту уақытына қарай бөлінеді. Ең баяу категорияға межеге 13–14 секундта жететін көліктер кірсе, Unlim деп аталатын ең жылдам класқа ширек мильді 9.5 секундтан аз уақытта еңсере алатын арнайы болидтер ғана қатысады.

6 маусым 16:00-де іріктеу кезеңі өтеді. Негізгі жарыстар 7 маусым 13:00-ге жоспарланған. Кіру ақылы. Сенбіде билет құны — 3000 теңге. Жексенбіде трибунаға кіру үшін 5000 теңге төлеу қажет. Жабық техникалық паркке кіруге мүмкіндік беретін VIP-билетті онлайн алсаңыз 10 000 теңге төлейсіз. Кассада билет 7000 және 12 000 теңге тұрады.

Қазір автодром орналасқан жердегі трассада жөндеу жұмыстары жүріп жатыр және көлік қозғалысы шектелген. Дегенмен спорт кешенінің қонақтарына жол ашық.

Халықаралық кластағы картингтен Қазақстан чемпионаты, үшінші кезең, 5–7 маусым

Драг-рейсинг жарыстарымен қатар Sokol автодромында картингтен Қазақстан чемпионатының үшінші кезеңі өтеді. Қатысушылар 13 жастан аспаған спортшылардың Mini санатынан бастап, ең жылдам KZ-2 сияқты бірнеше класқа бөлініп сайысқа түседі. Мұндағы болидтер 2 тактілі қозғалтқышпен (125 текше см) жабдықталған, қуаты шамамен 52 ат күшіне жетеді және беріліс қорабы болады.

6 маусымда шабандоздар жаттығуға және іріктеуге қатысады, негізгі бәсеке жексенбі, 7 қыркүйекке жоспарланған. Картингтер трекке 8:30-да шығады, бәйге 10:40-та басталады, түскі үзіліспен бірге 14:30-ға дейін созылады.

Sokol-дағы трек күні

7 маусымда кешеннің негізгі 4.5 шақырымдық айналма жолы ашық болады. Әр 15 минуттық сессияға 10 көлік қана кіреді. Іс-шара 5 сағатқа созылады. Қанша жарыс болатыны пилот санына байланысты.

Қатысу үшін автомотоспорт федерациясының сертификаты қажет емес, бірақ көлік техникалық талаптарға сай болуы керек. Техникалық сұйықтық ағып тұрмауы, жақсы күйдегі тежеуіш дискілері мен қалыбы және көлемі бір литрден жоғары өрт сөндіргіш болуы маңызды. Ұйымдастырушылар бәрін Time Attack класына сәйкес шығарады. Толық тізімі мен техникалық талаптарын тіркелу бетінен табасыз.

Қатысу ақылы: