Демалыс күнгі жарыстар: Sokol SBK Cup, Can-Am Rally және мотоджимхана

27 және 28 маусымда мотожарысты ұнататындар СТК Sokol картодромында спортбайктар арасындағы жарысты тамашалап, мотоджимхана сайысын көре алады. Төрт дөңгелекті техника фанаттары үшін Күш ауылының маңында Can-Am Rally Kazakhstan жарысының екінші кезеңі өтеді. Онда квадроцикл мен багги (SSV) иелері бақ сынайды.

Sokol SBK Cup, 27 маусым

27 маусымда Sokol автодромына мотожарыс оралады. Жаңа Sokol SBK Cup сериясының алғашқы кезеңі екі этаптан тұрады. Онда Open 400, Supersport және Superbike сияқты бірнеше кластағы мотоциклдер бірігіп сынға түседі.

View this post on Instagram

A post shared by Superbike Club (@sbkclubkz)

Спортшылар 16:00-де әкімшілік бақылаудан өтеді. Көрермендер 17:45-те кіреді, сол кезде ұйымдастырушылар іс-шараның форматын түсіндіреді. Бәйге 19:00-де іріктеу кезеңінен басталады. Одан кейін алғашқысы сайыс — 10 минуттық қысқа спринт болады.

Кіру ақылы. Билет бағасы — 3500 теңге.

Can-Am Rally Kazakhstan-ның екінші кезеңі, 27 маусым

Sokol SBK Cup-пен қатар Алматы маңында Can-Am маркалы квадроцикл мен багги иелері жолсыз жерде өнер көрсетеді. Ұйымдастырушылар Күш ауылының маңында пит-стоптары бар жоғары жылдамдықтағы айналма жарыс дайындап отыр.

Ашылуы 10:00-де, 11:00-де квадроциклдер жарысы басталады, ал баггилер трекке 13:00-де шығады.

View this post on Instagram

A post shared by КВАДРОЦИКЛЫ БАГГИ ГИДРОЦИКЛЫ СНЕГОХОДЫ BRP КАЗАХСТАН (@brp.kz)

Көрермендер тегін кіреді, бірақ жарыс аумағына көлікпен кіру құны — 2000 теңге.

Трассаға апаратын жолды 2GIS және Yandex навигаторларындағы сілтеме арқылы көрресіз. Ұйымдастырушылар бақылау бекетінен кейін белгілерге қарап жүру қажет дейді.

Мотоджимхана, 28 маусым

28 маусымда «Алматы Арена» кешенінің тұрағында шабандоздар мотоджимхана бойынша жарысады. Бұл — мотоциклді жоғары жылдамдықпен басқару сайысы. Қатысушылар конустар тұрған трассаны жылдам жүріп өтуге тиіс. Тректе «ирек жол», «сегіздік» және 180, 360 немесе 720 градус бұрылыстар болады. Мұндай шараға шағын көлемді қалалық байктан бастап ауыр круизерлерге дейінгі түрлі мотоцикл қатыса алады.