1 387 081 доллар тұратын Rocket GTS

Карбоннан жасалған шанақ панелі бар Rocket GTS-тің алғашқы үлгісі 2024 жылы жарық көрген, машина ательенің бар мүмкіндігін көпшілікке паш етуге арналған. Шутинг-брейк Mercedes-AMG SL 63 кабриолетіне негізделген. Шеберлер жұмсақ төбе орнына көміртекті пластик шатыр қойып, бүйірлік әйнек пен жаңа жүксалғыш қақпағын орнатты.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Бұрынғы Rocket модельдерінің тиражы 25 экземплярмен шектелетін, ал Rocket GTS-тің нақты қанша данасы шығатыны белгісіз. Тіпті әу баста бұл жобаның бір-ақ данасы болады деген ақпарат тараған.

Тұсаукесерден бір жарым жылдан кейін Brabus-тың АҚШ-тағы филиалы автомобильдің екінші экземплярын саудаға шығарды. Бұл жолғы машинаны мамандар жасыл түске бояды. Салонын да алькантара аралас жасыл былғарымен қаптаған.

1 / 6

• 
• 
• 
• 
• 
• 

1 / 6

Rocket GTS донор SL 63 E Performance-тың гибрид күштік құрылымымен жүреді, бірақ бензинді бөлігі біршама жақсарған. Битурбо V8-дің көлемі 4-тен 4.4 литрге артып, қуаты 758 ат күшіне жеткен. Электромотормен бірге күштің құрылым жалпы 986 ат күші мен 1820 Нм береді. Автомобиль 2.6 секундта жүзге дейін, 9.5 секундта екі жүзге дейін жылдамдық алады. Ең жоғары жылдамдығы 317 км/сағ-тан аспайды.

Brabus аса жылдам шутинг-брейктен ақша аяған жоқ. Соған сай бағасы да жоғары — 1.387 млн доллар (688 млн теңге). Яғни, машина донор SL 63-тен алты есе қымбат.