Электронды-цифрлық қолтаңбаны (ЭЦҚ) үйден шықпай-ақ қалай алуға болады

Қазақстанда электронды-цифрлық қолтаңбаны (ЭЦҚ) онлайн алу қызметі іске қосылды.

Әзірше мұны тек сайт арқылы іске асыруға мүмкіндік бар, бірақ жуық арада қызметті мобильді қосымша арқылы алуға болады.

Ол үшін:

  • ҚР азаматы болу;
  • Қазақстан азаматтарының мобильді базасында (ҚАМБ) тіркеуде тұру (Егер сіз аталған базаға тіркелмеген болсаңыз, «Kenes виртуалды көмекшісінің» парақшасына өтіп, тілді таңдаңыз. Әрі қарай — видеоқоңырау шалып, операторға жеке куәлігіңізді көрсетіп, ЖСН мен телефоныңыздың нөмірін және SMS-кодты айтасыз);
  • компьютер немесе мобильді телефон (веб-камера міндетті түрде болуы тиіс);
  • компьютерге NCALayer бағдарламасын орнату (NCALayer-ді орнату бойынша нұсқаулық Ұлттық куәландырушы орталық сайтында қолжетімді);
  • Жеке куәліктің түпнұсқасы немесе екі жағынан түсірілген сапалы фотокөшірмесі қажет.

ЭЦҚ-ны ықтиярхат арқылы Қазақстанда тұрып жатқан шетелдіктер (азаматтығы жоқ тұлғалар) онлайн режимде ала алмайды.

ЭЦҚ-ны қалай алады:

  1. Электронды үкімет сайтына кіріп, «ЭЦҚ-ны қашықтықтан алу» дегенді таңдайсыз.
  2. «Онлайн сұрау» батырмасын басасыз.
  3. Жаңа жолға ЖСН енгізіп, «Сұраныс жіберуді» басу керек.
  4. ҚАМБ-на тіркелген болсаңыз, тексеру SMS-коды келеді, оны тиісті жолға енгізесіз.
  5. Тұлғаны растау (Digital ID құру) керек. «Бастау» батырмасын басып, веб-камера арқылы суретке түсесіз.
  6. Видеосәйкестендіруден өтесіз.
  7. PIN-код орнату қажет.
  8. Жеке куәліктің фотосуретін қосасыз.
  9. Жүйе тарапынан құжаттар тексеріліп, SMS-растау келген соң «Құжаттар» бөлімінен ескертуді тауып алу керек.
  10. Жеке басты куәландыру және ЭЦҚ алуға сұраныс жасау үшін «Жалғастыру» батырмасын басасыз.
  11. Бұрын орнатылған PIN-кодты қайта енгізіп, «Растауды» басу керек.
  12. Өтініш формасына электронды поштаны енгізесіз. «Кілттер сақталатын орын типін «Дербес компьютер» деп көрсету қажет.
  13. ЭЦҚ-ны сақтауға арналған орынды көрсетіп, «Ашу» батырмасын басып, артынша «Сұраныс беру» және «Жаңарту» дегенді басасыз.
  14. ЭЦҚ құпиясөзін орнатып, «Сертификаттарды жүктеу» дегенді басасыз.
  15. Сәтті орнатылған соң ЭЦҚ-ны eGov mobile қосымшасына жүктейсіз.

Ескерту. Қазақстан азаматтарының мобильді базасына тіркелу кезеңінде операторға видеоқоңырау шалуда қиындық туындауы мүмкін. Бұл операторларға хабарласушылардың тым көп болуына не желінің шектен тыс жүктелуіне байланысты болуы мүмкін.

Комментариев: 0

Чтобы оставить комментарий, вам необходимо зарегистрироваться или авторизоваться.