Көлікті кеденде рәсімдеу: жаңа ереже бойынша жеке импорттаушы қанша төлейді

Қазақстанда жеке тұлғаның автомобиль әкелуіне қойылған жаңа шектеу 2026 жылы 28 қыркүйекте күшіне енді. Енді азаматтар шыққанына 5 жылдан аспаған, экокласы Еуро-5-тен төмен емес машинаны ғана әкеле алады, сондай-ақ оны жеке пайдалануға арналған тауар ретінде рәсімдеп, жоғары мөлшерлеме бойынша кедендік алым төлейді. Бұл тариф шамамен 10 жыл бұрын ЕЭК Кеңесінің «Жеке пайдалануға арналған тауарға қатысты жекелеген мәселелер туралы» № 107 шешімімен бекітілген, бірақ осы уақытқа дейін қолданылмапты.

Төлемдер мынадай болады:

Шыққанына 3 жылдан аспаған автомобиль үшін кедендік алым
Бағасы 8500 еуродан аспайтын	Бірыңғай мөлшерлеме бойынша құнының 54 %-ы, бірақ қозғалтқыш көлемінің әр 1 текше сантиметрі үшін кемінде 2,5 еуро
Бағасы 8500 еуродан жоғары, 16 700 еуродан аспайтын	Бірыңғай мөлшерлеме бойынша құнының 48 %-ы, бірақ қозғалтқыш көлемінің әр 1 текше сантиметрі үшін кемінде 3,5 еуро
Бағасы 16 700 еуродан жоғары, 42 300 еуродан аспайтын	Бірыңғай мөлшерлеме бойынша құнының 48 %-ы, бірақ қозғалтқыш көлемінің әр 1 текше сантиметрі үшін кемінде 5,5 еуро
Бағасы 42 300 еуродан жоғары, 84 500 еуродан аспайтын	Бірыңғай мөлшерлеме бойынша құнының 48 %-ы, бірақ қозғалтқыш көлемінің әр 1 текше сантиметрі үшін кемінде 7,5 еуро
Бағасы 84 500 еуродан жоғары, 169 000 еуродан аспайтын	Бірыңғай мөлшерлеме бойынша құнының 48 %-ы, бірақ қозғалтқыш көлемінің әр 1 текше сантиметрі үшін кемінде 15 еуро
Бағасы 169 000 еуродан жоғары	Бірыңғай мөлшерлеме бойынша құнының 48 %-ы, бірақ қозғалтқыш көлемінің әр 1 текше сантиметрі үшін кемінде 20 еуро
Шыққанына 3 жылдан асқан, бірақ 5 жылдан аспаған автомобиль
Қозғалтқыш көлемі 1000 текше сантиметрден аспайтын	Бірыңғай мөлшерлеме бойынша қозғалтқыш көлемінің әр 1 текше сантиметрі үшін 1,5 еуро
Қозғалтқыш көлемі 1000–1500 текше сантиметр	Бірыңғай мөлшерлеме бойынша қозғалтқыш көлемінің әр 1 текше сантиметрі үшін 1,7 еуро
Қозғалтқыш көлемі 1500–1800 текше сантиметр	Бірыңғай мөлшерлеме бойынша қозғалтқыш көлемінің әр 1 текше сантиметрі үшін 2,5 еуро
Қозғалтқыш көлемі 1800–2300 текше сантиметр	Бірыңғай мөлшерлеме бойынша қозғалтқыш көлемінің әр 1 текше сантиметрі үшін 2,7 еуро
Қозғалтқыш көлемі 2300–3000 текше сантиметр	Бірыңғай мөлшерлеме бойынша қозғалтқыш көлемінің әр 1 текше сантиметрі үшін 3 еуро
Қозғалтқыш көлемі 3000 текше сантиметрден жоғары	Бірыңғай мөлшерлеме бойынша қозғалтқыш көлемінің әр 1 текше сантиметрі үшін 3,6 еуро бойынша
Негізінен адамдарды тасымалдауға арналған, тек электромотормен (бір немесе бірнеше) жабдықталған, ЕАЭО СЭҚ ТН 8703 80 000 субпозициясына жататын жеңіл автомобиль	Жиынтық кедендік төлем түрінде

Бензинмен жүретін автокөлікті кеденде рәсімдеу қанша тұрады

Мысал ретінде Қытайдан Changan X5 Plus жеткізуге кететін ақшаны есептейік. Кроссовер өз отанында 69 900–103 900 юань (9180–13 645 еуро) тұрады. Автомобильдің ең төмен бағасы — 9180 еуроны (4 591 285.2 теңге) алайық. Машина жаңа, 2026 жылы шыққан, яғни кесте бойынша шыққанына 3 жылдан аспаған. Демек кедендік баж құнының 48 %-ы, яғни 4406.4 еуро (2 203 816.90 теңге) болады.

Растаможка авто по новым условиям: сколько заплатят частные импортёры — Changan X5 Plus

Бұған қоса 16 % ҚҚС төлеу қажет. Оны машинаны Қытайдан жеткізу бағасын қоса алғандағы толық кедендік құны бойынша есептейді (көлікті жеткізу орта есеппен 500 000 теңге*), оған кеденде рәсімдеу үшін сұралатын алым — 6 АЕК (2026 жылы 25 950 теңге) қосылады, бұл 84 152 теңгеге тең.

Демек жаңа Changan X5 Plus әкелгенде кедендік алым мен ҚҚС үшін 2 287 968.9 теңге санап беруге тура келеді.

Автомобиль 2026 жылы шыққандықтан, алғашқы тіркеу ақысы — 0.25 АЕК (2026 жылы 1081.25 теңге). Қозғалтқыш көлемі 1500 текше сантиметр болатын машина үшін утиль алымы 756 875 теңге болады.

Яғни, Changan X5 Plus-ты елге әкелуге жұмсалатын жалпы сома — 3 045 925.15 теңге.

* Бұл есепке Қытайдағы экспорттаушының қызмет ақысы кірмеген. Оның құны 1500–2000 долларға жуықтауы мүмкін.

Электромобильді кеденде рәсімдеу қанша тұрады

Жоғарыдағы кестеден электромобиль жиынтық төлем тәртібі бойынша рәсімделетінін байқауға болады, ол кедендік алым, ҚҚС және рәсімдеу ақысын қамтиды. ЕАЭО-ның Бірыңғай кедендік тарифі бойынша 2026 жылы электрокар импорттағанда 15 % кедендік баж төлеу керек. Жиынтық төлем ДСҰ мөлшерлемесі (электромобиль алымнан босатылған) бойынша емес, дәл осы мөлшерлемеге сай есептеледі. Сондай-ақ 16% ҚҚС төлейсіз.

Демек 26 қыркүйектен бастап жеке тұлға электромобильді кеденде рәсімдеу үшін оның кедендік құнының 31 %-ы көлемінде ақы төлейді.

Электромобильге утиль алымын төлеудің қажеті жоқ. Биыл шыққан машина үшін алғашқы тіркеу ақысы 1081.25 теңге болады.