2019 жылдың соңында бензин акцизі мөлшерлемесін өзгерту туралы Үкімет қаулысы жарияланды. Биыл күшіне енген құжаттың мәтініне сәйкес, акциз тоннасына 10 500-ден 24 435 теңгеге дейін көтерілді.
Қаңтардың алғашқы күндері бекеттердегі жанармай бағасы өзгеріп, айдың аяғына қарай жоғарылай бастады. Бастапқыда отын құны 144-146-дан 148-150-ге, кейінірек 153 теңгеге өсті. Ал қазір АИ-92 152-158 теңгеден сатылып жатыр.
Қазақстандағы ең өтімді жанармай маркаларының орташа бағасының 2013 жылдан 2020 жылға дейінгі өзгеру қарқыны
Қазіргі уақытта ең арзан бензинді PetrolAsia бекеттерінен табасыз. Онда жанармайдың бір литрі үшін 152 теңге сұралуда. Helios пен «ҚазМұнайГаз» 156, Sinooil мен Royal Petrol 157 теңгеден сатып жатыр. Ал «Газпромнан» алам десеңіз, литріне 158 теңге төлеуге тура келеді.
Дизельді отынның бағасы тұрақты деуге болады. Оның құны тек «Газпромда» өзгеріп, 194-тен 195 теңгеге қымбаттады. Басқа бекеттер 190-193 теңгеден саудалауда.
АИ-92 бензині мен дизельді отынның ақпандағы бағасы
Комментариев: 0