Былтыр бензин акцизі мөлшерлемесін өзгерту туралы Үкімет қаулысы жарияланды. 2020 жылдың 1 қаңтарынан бастап күшіне енген құжаттың мәтініне сәйкес, акциз тоннасына 10 500-ден 24 435 теңгеге дейін көтерілді. Мұндай өзгеріс нәтижесінде жанармай бекеттеріндегі бензин литріне 10 теңгеге қымбаттайды деп болжанған.
Қаңтар айының алғашқы күндері бекеттердегі баға еш өзгермеді, алайда бұл ұзаққа созылмады. Егер бұрын АИ-92-нің литрі 145 теңгеден сатылса, бүгін бес ірі бекет сұйық отынды 145 пен 150 теңге арасында бағалап отыр. Бұрынғы баға әзірше тек «ҚазМұнайГазда» сақталып тұр, бірақ жуырда оның да қымбаттауы ғажап емес.
Қазақстандағы ең өтімді жанармай маркаларының орташа бағасының 2013 жылдан 2020 жылға дейінгі өзгеру қарқыны
Ең қымбат бензин қазір Sinooil бекеттерінде. Онда отынның бір литрі үшін 150 теңге төлейсіз. «Газпром» 148 сұраса, Helios пен Royal Petrol бензиннің бір литрін 149 теңгеге құйып береді.
Маусымаралық дизельдің бағасы сол қалпында. Ол әлі де 191-194 теңгедан саудалануда.
АИ-92 бензині мен дизельді отынның қаңтардағы бағасы
Ірі компаниялар бензин құнын 3-5 теңгеге арттырса, жанармай құятын кейбір бекеттерде баға тіпті шарықтап кеткен. Әлеуметтік желіге жүктелген суреттерден кей жерлерде АИ-92-нің 158 теңгеге сатылып жатқанын байқауға болады.
Комментариев: 0