2022 жылы Еуразиялық экономикалық комиссия Кеңесі Қазақстан, Қырғызстан, Беларусь және Арменияға тарифтік жеңілдік берген. Осы шешімге сай электрокарды ЕЭО елдеріне сату құқығынсыз, тек жеке пайдалану мақсатында кедендік алым және ҚҚС төлемей, жеткізуге болады.
Биыл Қазақстан жеңілдікпен 15 мың электрокар кіргізе алады. ҚР Қаржы министрлігінің Мемлекеттік кірістер комитеті хабарлағандай, 2025 жылғы 25 қыркүйекке дейін елге 13 мыңнан аса электромобиль келген. Бұл бізге бөлінген лимиттің
«Азаматтар электромобиль сатып аларда және елге кіргізерде қанша лимит қалғанын ескергені дұрыс», — деп хабарлады Мемлекеттік кірістер комитеті.
Былтыр желтоқсаннан бастап жеке тұлғалар жаңа және жүрген электромобильді жеке пайдалану үшін ғана әкеле алады. Бір адам жылына тек бір электрокар кіргізсе болады. Екі немесе одан көп электромобиль жеткізу үшін жеке тұлға кәсіпкер ретінде тіркелуі керек. Бірақ мұндай жағдайда азамат жаңа машинаны көлік құралы құрылымының қауіпсіздігі туралы куәлікпен тіркей алмайды, себебі шыққанына үш жылдан асқан көлікке ғана рұқсат беріледі.
Комментариев: 0