Көктемде ЕЭК кеңесі Қазақстанға өзі пайдалану мақсатында электромобиль әкелетін жеке тұлғалар үшін 2022 және 2023 жылға арнап 25 мың квота бөлген. Жеңілдік бойынша тұрғын машинаны кедендік тазартудан өткізбейді және қосымша құн салығын төлемейді, бірақ кейін оны Ресейде сата алмайды.
Шешім күшіне енгеніне алты ай болса да оны жүзеге асыратын механизм әлі әзірленбепті. Салдарынан сатып алушылар кеденде ҚҚС төлеуге мәжбүр болып отыр.
Дегенмен кеш болса да Қазақстанда қажетті норматив жазылды. «ЕЭО аумағына электрлі қозғалтқышы бар моторлы көлік құралын кез келген тәсілмен әкелген кезде кедендік төлемдерден босатуды қолдану туралы» қаулыны ҚР ҚМ МКК дайындады.
«Тауарды әкелгеннен кейін ЕЭО Кеден кодексінде белгіленген мерзімде ұсынған және мемлекеттік кірістер органының автоматты декларациялау жүйесінде тіркелген жолаушы кедендік декларациясы ЕЭО сыртқы экономикалық қызметінің 8703 80 000 2 кодымен топтастырылған электр қозғалтқышы бар моторлы көлік құралын кез келген тәсілмен ЕЭО аумағына әкелген кезде жеке тұлғаларды кедендік төлемнен босатуға негіз болады», делінген құжат жобасында.
Енді қосымша құн салығына байланысты дау туындамайтын шығар. Жолаушы декларациясын толтырып, оны базаларға тіркесеңіз болғаны.
Ал іс жүзінде қалай болатыны жақында белгілі болады.
Комментариев: 0