«Еуразиялық экономикалық комиссия баж салығын төлемей электрокар кіргізу мүмкіндігін 2025 жылға дейін ұзартуды қарастырып жатыр», — деді ҚР ҚМ Мемлекеттік кірістер комитеті бақылау департаментінің директоры Елдос Саудабаев. Оның айтуынша қазір Қазақстанда жеке тұлға жолаушы кедендік декларациясын тапсыру арқылы жылына бір рет электромобиль әкеле алады, ол үшін кеден салығы мен ҚҚС төлемейді.
Е.Саудабаев биыл 10 айда елімізге 6523 электромобиль кіргенін айтты, ал кейінгі екі жылда тұрғындар баж салығы мен ҚҚС төлемей 6875 электрокар әкеліпті. Қазақстан ЕЭК Кеңесі белгілеген квотаны толық игерген жоқ, жыл аяғына дейін елге тағы 8477 электромобиль кіргізуге мүмкіндік бар.
Департамент директоры «жеңілдікпен» электромобиль әкелетін адам Қазақстан азаматы болуы және елде тұрақты тұруы қажет екенін айтты. Квота бойынша әкелген электрокарды үш жыл бойы Ресейге сатуға болмайды. Машинаны келешекте шетелге сату үшін ДСҰ тарифіне сай декларация тапсыру қажет, ол бойынша азамат кедендік салық төлемейді, бірақ ҚҚС (12 %) мен кедендік алым (20 000 теңге) төлейді. Мұндайда сатып алушы кедендік тазарту сомасындағы айырмашылықты немесе 15 % кедендік салық, 12 % ҚҚС және 20 000 теңге кедендік алымды қамтитын бірыңғай кедендік тариф (БКТ) бойынша төлем жасайды.
Комментариев: 0