Былтыр көктемде ЕЭК комиссиясы Қазақстанға екі жылда кедендік тазартудан өткізбей және қосымша құн салығын төлемей 25 мың электромобиль кіргізуге рұқсат берген. Оны алған азамат кейін Ресейде сата алмайды. Солардың 15 мыңын 2023 жылы әкелуге болатын еді. Бірақ Қаржы министрлігінің баспасөз қызметі ел аумағына небәрі 3442 электромобиль кіргенін хабарлады. Демек тағы 11.5 мың электрлі машина жеткізуге мүмкіндік бар. Елде мұндай көлік үшін утиль алымы сұралмайтынын да айта кеткен жөн.
Жолда дәстүрлі машинаның көптігіне электромобиль бағасының аспандап тұруы, елде қажет инфрақұрылым мен сервис болмауы ықпал етіп отыр. Соңғы 2-3 жылда электромоторы бар машиналар Қытайда автоөндіріс қарқынды дамып жатқанына байланысты қолжетімді бола түсті. Содан болар, қазір келіп жатқан көлік санын біздің ел үшін рекордтық көрсеткіш деуге болады.
ЕЭК отырысында Қырғыз Республикасы аталған көлік түрін салықсыз кіргізу мерзімін 2025 жылға дейін ұзартуды ұсынған, мамандар мұны қарап жатыр. Дегенмен министрлік жеңілдікпен көлік әкелудің тағы бір жолы барын атап өтті. Ол үшін тауарға Дүниежүзілік сауда ұйымының мөлшерлемесіне сай декларация толтыру керек.
Қазақстанда электромобиль көбейгенін байқадыңыз ба?
Комментариев: 0