Жүзден астам көлік кеден қоймасында тұр

Ең арзан көліктің бағасы — $500, ал ең қымбаты $9 000 тұрады.

1965-2013 жылдар аралығында шығарылған 117 автокөлік айғақ зат ретінде уақытша сақтау қоймасында тұр. ҚР ҚМ Мемлекеттік кірістер комитетінің баспасөз қызметі хабарлағандай, тәркіленген көліктер арасында біздің елге Қырғыз Республикасынан сол елдің азаматтарының сенімхаты арқылы кіргізілген көліктер де бар.

Техникалық регламент бойынша есепке қою үшін сай келмейтін, бірақ жүруге жарамды машиналар «Оңалту және активтерді басқару компаниясы» АҚ-на бөлшектеп сату үшін берілді. Ал сатуға болмайтын көліктерді кеден қызметкерлері утилизацияға жібереді.