ІІМ кеше Нұр-Сұлтанда брифинг өткізген. Әкімшілік полиция комитетінің өкілі Юрий Козлов Kolesa.kz тілшісіне шетелдік нөмірдегі көліктердің жаппай құрықталмайтынын айтты, десе де олар әдеттегі режимде тексерілетін болады.
Егер көлік иесінің заң бұзғаны дәлелденсе, оның машинасы айып тұрағына жіберіліп, 10 АЕК (ҚР ӘҚБК-нің 590-бабы, 2-бөліміне сәйкес) айыппұл салынады және көлікті заңдастыруға (барлық алым-салықтарды төлеп) не елден шығаруға тиіс болады.
Козловтың айтуынша, тіркеу туралы заңды бұзған болып ЕЭО елдерінен шетелдік көлікті сатып алып, шекарадан өткеннен кейін машинаны 10 күн ішінде есепке қоймағандар танылады.
ІІМ ел азаматтарын түсіністік танытып, шетелден келген көліктерді қазақстандық есепке қоюға шақырады, бұл жөнінде мамандандырылған ХҚКО-нан және осы демалыста іске қосылатын жолдағы қабылдау орындарынан кеңес алуға болады.
Шетелде тіркелген машиналар жол ережесін елемей, адам өлімі мен жарақат алу деректерінің жиілеп кетуі осыған себеп болып отыр.
Биліктің шешімімен көлік заңсыз деп танылса не істеу керек? Козловтың айтуынша, ІІМ бұл Қазақстан азаматына тиесілі мүлік екенін және оны сата ма, бөлшектей ме, әлде шекара асыра ма, өзі шешетінін түсінеді. Бірақ егер автокөлікті қолдануды көздесеңіз, оны Қазақстан Республикасының заңнамасына сәйкес тіркеуге тиіссіз.
ЕЭО елдерінде тіркелген автокөліктерді сенімхат/сақтандыру бойынша басқаруға қатысты мәселенің басы ашылмады. Ең бастысы, олар «халықаралық жол қозғалысының» қатысушы болып табылады ма? Біз бұл тақырыпқа әлі ораламыз, ал ІІМ бұл сұрақтарға жуырда жауап беретінін хабарлады.
Комментариев: 0