Еурокомиссия Германияда Ресей нөмірін таққан автомобильдердің ұсталуына қатысты мәлімдеме жасады. Құжатқа сай Ресейде тіркелген машинаны кез келген мақсатпен Еуроодақ елдеріне кіргізуге тыйым салынады.
Ресейлік көлік құралдары ЕО елдеріне жеткізуге тыйым салынған тауарлар тізіміне енді. Құжатта автомобильді жеке немесе коммерциялық мақсатта пайдалана ма, Еуроодаққа қанша уақытқа кіреді деген сұрақтарды ескерместен импортқа тыйым салынатыны жазылған.
Демек Ресей тұрғыны өз машинасымен Еуропаға барса, көлігінен айырылуы мүмкін. Мұндай оқиға Германияда тіркелді. Ол кезде кей адам жеке автомобилін сот арқылы қайтарып алған, бірақ енді шектеу нақты күшіне енуі мүмкін.
Финляндиядағы Ресей елшілігі тұрғындарға «қауіпті ескере отырып», өз машинасымен шетелге шықпауға кеңес берді. Еурокомиссияның мұндай шешіміне қатысты Ресей билігі ресми мәлімдеме жасаған жоқ.
ЕО регламентінің № 833/2014 директивасы XXI қосымшасында жазылған тауарлар тізімінде нақты ешбір заттың аты аталмаған. Демек Ресейден Еуропаға смартфон, ноутбук, сусабын, тіс пастасы сияқты жеке заттарды да жеткізу мүмкін емес.
Мамандар мұндай оғаш шара қолдануға Ресейден импорттауға тыйым салынатын заттар тізімінің тым көбейіп кеткені себеп болды деп санайды. Шенділер Ресей заттарын ЕО аумағында саудалауға тыйым салуды көздеп отыр, бірақ техникалық құжатқа сай қазір Еуропаға сату үшін емес, уақытша пайдалану үшін зат апаруға да тыйым салынған. Бұл шара шынымен жүзеге аса ма, жоқ па, белгісіз.
Ресейдің қай заты шекарадан өтіп, қайсысы өте алмайтынын кеденшілер шешеді деген болжам бар. Мұндай шектеу 2014 жылы енген, содан бері кеденде
Комментариев: 0