Машины с армянскими, кыргызскими и российскими номерами обяжут регистрировать в Казахстане

Армениялық, қырғызстандық және ресейлік нөмірдегі көліктер тіркелетін болады

Аталған көліктермен жолаушы және жүк тасымалдауға мүлде тыйым салу жоспарланып отыр.

Полицейлердің шектеулер енгізуге қатысты ниетін кеше жол қозғалысының қауіпсіздігі бойынша өткен дөңгелек үстелде ҚР ішкі істер министрі Ерлан Тұрғымбаев жеткізді.

— Жол қозғалысының ережелерін үнемі бұзатын Армения, Қырғызстан және Ресей аумағында тіркелген көліктерге арыз-шағым көп түседі, Қазақстанда тіркелмегендіктен оларға қандай да бір шара қолдану мүмкін емес. Олар кәсіпкерлікпен айналысады, яғни жолаушы тасымалдайды. Біз ондай автокөліктердің Қазақстан аумағына кіргеніне 10 күн асқаннан кейін қолданылуына шектеу қоюды талап етеміз. Егер көлік транзитті болса, онда он күн ішінде (елден — Kolesa.kz ескертп.) өте алады. Сонымен қатар мұндай көлік құралдарын жолаушы және жүк тасымалдау үшін пайдалануға тыйым салуды талап етеміз, — деп мәлімдеді ведомство басшысы.

Дәл қандай шектеу қойылатынын және тәртіп сақшыларының оны қалай енгізуді жоспарлап отырғанын министр ашып айтпады. Бұл жағдайда бірқатар халықаралық келісімдер мен басқа да маңызды құжаттарға өзгеріс енгізу қажет болатыны анық.

Қазіргі таңда полицейлер мен депутаттар заңнамаға енетін түзетулерді дайындауда, олар қабылданғаннан кейін ЕЭО елдерінен келген көліктерді елге кіру барысында тіркеуге тура келеді. Әрі қарай мұндай темір тұлпарлар қатаң бақылауға алынады. Е.Тұрғымбаевтың дәл осы шектеу қоятын өзгерістер туралы айтып отырғанын жоққа шығармаймыз.

Бір жағынан, қазақстандық автоөндірушілер бәсекелестерінен құтылу мақсатында ЕЭО елдерінен келген көліктерді рәсімдеуді талап етуде.

Мұндай жағдайда Армениядан көлік алудың қажеті бар ма? Оны әркім өзі шешеді!