Біраз уақыт бұрын ҚР ИИДМ Автомобиль жолдары комитеті жаңа ақылы жолдардағы төлем қабылдау жүйесін іске қосу маусымға шегерілгенін хабарлаған. Жол ақысы осы демалыста нақтылануы тиіс еді. Алайда 30 мамырда елдің тоғыз өңірінде жүк көлігін жүргізушілер шеруге шығып, тарифті төмендетуді талап етті.
Нәтжесінде шенділер төлем мөлшерлемесін қайта қарайтын болды.
«Алыс жолға қатынайтын жүк көлігін жүргізушілер тарифті төмендетуді сұрады. Қазір ақылы жол бөліктерімен жүру құны (жүк көлігінің класына байланысты) әр шақырым үшін 5-25 теңге аралығында. Ал төлем кейін жасалса, жол ақысы 37 теңгеге артады. Жүргізушілер барлық жол бөлігінде 5 теңге алынғанын қалайды. Тарифті төмендету мәселесі министрлік деңгейінде қаралады, шешім екі апта ішінде қабылданады», — деді «ҚазАвтоЖол» ҰК" АҚ басқарма басшысының орынбасары Талғат Смағұлов.
Комментариев: 0