Әлеуметтік желіде жан түршіктірер жол апатының салдары түсірілген бірнеше фото жарияланды. Оқиға 17 қараша күні АҚШ-та болған. Одан жеңіл көлікке соғылған тартқышты көруге болады. Ал жапырылған машина Nissan Altima екенін аңғару оңай емес.
Жергілікті полиция берген мәлімет бойынша Altima тізгіндеген әйел өзен үстіндегі көпірде қозғалып бара жатқан. Жүк көлігіне жақындағанда, ол жылдамдықты сәл бәсеңдеткенмен, арт жақтан аса ірі фура соғады. Қатты соққыдан «ниссан» екі бүктеліп қалған.
Оқиға орнына жеткен тәртіп сақшылары адам өлгеніне сенімді болыпты, алайда сау-тамтығы қалмаған «альтимаға» жақындағанда, көмек сұраған дауыс естиді. Жүргізушіні шығарып алу үшін кран көмегімен тартқышты жеңіл көліктен ажыратуға тура келген. Әйел адам жеңіл жарақат алғаны болмаса, дін аман.
Ауыр техника жүргізушісіне арақашықтық сақтамағаны үшін 189 доллар айыппұл салынды.
Үлкен машинаның бампері тек кранның шынжырынан майысқан сияқты ғой )))